Ecce, adest nunc Iacobus

                                                                Trope d'introduction. Messe farcie de Fulbert

                                                                       (f. 133r-133v) (Livre I, Chap. XXXI)

                                                                               f. 133r PDF   f. 133v PDF

                                                                        Farsa officii misse sancti Iacobi

                                                   a domno Fulberto karnocensi episcopo illustri viro edita

                                                 in utroque festo eiusdem apostoli cantanda quibus placebit

     Cantores, inter quos sit presul aut presbiter infulis vestitus, dicant hoc:

  Ecce, adest nunc Iacobus,

  Qui, extollendus laudibus,

  Cuius nos festa colimus

  Quemque devotis mentibus

  Officiis attollimus,

  Quem colit omnis populus.

     Alii cantores respondeant:

  Qualis sit iste Iacobus,

  Nobis narrate omnibus,

  Quem vos tenetis nexibus

  Et honoratis vocibus,

  Ut veneremur carius,

  Eum amemus mentibus

  Et laudemus attencius

  Et perquiramus precibus.

     Alii respondeant:

  Hic est revera Iacobus  

  Quem amat valde Dominus,

  Christi miles ameritus

  Et signifer egregius,

  Milicia probissimus,

  Gallecie apostolus,

  Peregrinus notissimus,

  Et honore dignissimus,

  Miraculis mirificus,

  In gloria magnificus,

  Quem cunctus petit populus,

  Domesticus et barbarus.

     Alii dicant:

  Alleluia, in gloria

  Sit Deo laus per omnia,

  Gratuletur ecclesia

  Tanto patrono florida,

  Letetur celi curia,

  Polus, tellus et maria,

  Letare nostra turmula,

  Dic Deo laudum carmina.

     Eya.

                                                                  -----------------------------------------------------------------------

  retour à Codex chants

delhommeb at wanadoo.fr - 28/11/2016