Cantemus Domino

                                                                       Lecture. Messe farcie de Fulbert

                                                                      (f. 135v-138r) (Livre I, Chap. XXXI)

                                  f. 135v PDF   f. 136r PDF    f. 136v PDF   f. 137r PDF   f. 137v PDF   f. 138r PDF   f. 138v PDF

                                                       FARSA LECTIONIS DE MISA SANCTI IACOBI

                                   EDITA A DOMNO FULBERTO KARNOTENSI EPISCOPO, ILLUSTRE VIRO

  Lector et cantor simul iubilent:

  Cantemus Domino

     cantica glorie,

  Beati Iacobi

     hec festa hodie

  Colentes premiis

     celice gracie.

  Ut presens leccio

     divina docuit

  Herodis gladium

     compati voluit,

  Hinc celum Iacobus

     ingredit meruit

  Lector: Leccio libri Ecclesiastice Ystorie.

  Cantor: In qua Iacobi lucida narrantur ovanter prelia,

     de Herode superbo, quem ipse triumphavit,

     Pulcre minas illius perimens teterrimas.

  Lector: Inmisit, inquit, Herodes rex suas

     affligere aliquos de eclesia,

     et interfecit Iacobum, fratrem Iohannis, gladio.

  Cantor: Ad sui dampni cumulum Iacobum. Dei famulum.

     Vera docentem populum, Decollavit apostolum.

  Lector: De hoc autem Iacobo

     Clemens Alexandrinus etiam ystoriam dignam memoria

     in septimo disposicionum suarum libre scripbit

  Cantor: Ut in memoria eterna sit iustus,

  Lector: Perlatam ad se usque ex tradicione maiorum.

  Cantor: Ut cognoscat generacio altera.

  Lector: Quoniam quidem, inquit,

     et his, qui obtulerat Iacobum iudici ad martirium,

     motus penitencia,

  Cantor: Viso egroti miraculo

     Iosias extraxit funem de collo apostoli

  Lector: Etiam ipse confessus est se esse Christianum.

  Cantor: Et confessus est et non negavit Christum Dominum.

  Lector: Ducti sunt, inquit,

     ambo pariter ad supplicium.

  Cantor: Ut mererentur accipere coronam glorie,

     alleluia.

  Lector: Et cum ducerentur in via,

     rogavit Iacobum dare sibi remissionem,

  Cantor: Sanctorum comunionem,

     remissionem peccatorum.

  Lector: At ille parumper deliberans

  Cantor:  Babtizavit eum Iacobus in Patris et Filii

     et Sancti Spiritus clemencia.

  Lector:  Pax tibi, inquit,

  Cantor: Pacem pius consolator tibi prestet.

  Lector: Et osculatus est eum.

  Cantor: O admiranda divini amoris basia

  Lector: Et ita ambo simul capite plexi sunt.

  Cantor: Et ideo coronas triumphales meruerunt.

  Lector: Laus Deo sit gloria.

  Cantor: A....a

  Lector: Pax, decus et victoria

  Cantor: A.... a

  Lector: Qui Herodem ad tartara,

  Cantor: A.... a

  Lector: Sua misit nequicia

  Cantor: A.... a

  Lector: Et Iacobium sedilia,

  Cantor: A.... a

  Lector: Transvexit ad celestia

  Cantor: A.... a

  Lector: Cum quo et nos sidera,

  Cantor: A.... a

  Lector: Perfruamur leticia,

  Cantor: A.... a

  Ambo simul: Amen.               

                                                                  ------------------------------------------------------------------ 

  retour à Codex chants

delhommeb at wanadoo.fr - 17/11/2016